افغان او ترکمن چارواکو د شريکې پولې په صفري نقطه کې يو له بل سره کتلي.
د افغانستان د بهرنیو چارو وزارت مرستیال وياند، ویلي، امير خان متقي د ترکمنستان د وزیرانو شورا مرستیال او بهرنیو چارو وزیر، رشید مردوف سره د ګڼو ارګانونو د پلاوو په ملتیا په صفري نقطه کې کتلي دي.
نوموړي زیاته کړې چې په دغه کتنه کې دواړو لورو د افغانستان په خاوره کې د ټاپي نل لیکې د غځولو، اوسپنې پټلۍ رغونې، برېښنا او نوري فایبر پروژو د پرانېستې لپاره د وروستي چمتووالي په اړه خبرې کړې او په نږدې راتلونکې کې یې د دغو سترو پروژو د پرانېستې مراسمو لپاره چمتووالی هم ارزولی دی.